其實我係個手腳唔協調、冇乜自信心嘅人，每次採排完腦細都話「你要再覺得自己個樣靚多廿倍先得喎」呢件事對我嚟講好有難度，因為我打從心底覺得自己唔靚，同唔叻。但上到台未至於驚到縮埋一嚿，其實係要多謝最近日見夜見嘅Partner 利君牙 。
我諗動作唔叻，諗完喺個腦都唔識做返出嚟，佢就諗完自己嗰套幫我諗埋；我平時冇著開高踭鞋，著完行到機械人咁，佢就同我練行路練到我變返個女人；我對自己零信心做啱咗都覺得自己做錯，佢就好肯定地碌大隻眼話「其實你得咗啦！係咁呀！啱㗎啦！」；我臨開show每晚都睇返採排嘅video，學佢嘅表情、動作，對住塊鏡練笑練眼神，去演一個以為自己勁乸靚嘅女人，好彩最後都勉強演到，冇失禮大家。
好彩有佢帶住我，好彩我冇拖垮佢同魔術嗰Part。亦非常感謝腦細、東方昇俾機會我上下台，多謝導演黃嘉威、甄詠蓓老師同才華洋溢Johnnathan非常出色嘅動作指導，我要學嘅嘢仲有好多，雖然未必做得好好，但我努力令大家覺得我愈黎愈好，請大家繼續多多指教。🙏🏻
仲有好多靚相會Post : instagram.com/cherryluii
Search